Ḍ ’añ Keahi

’A:ñi ’añ ab ce:gig Keahi.

D ’añ ge gogs.

’A:ñi ’ant ge’eda ’Al Ṣon cekṣañ c-eḍ.

’A:ñi ’añ ’am ve:m ki: g ñ-’o’odhamga gḍhu tohono c-eḍ.

’A:ñi ’añ si s-ho:hid g ñ-’o’odhamga.

Ñ-’o’odhamga ’o cem hekid ñ-gegosid.

C ’ep ñ-’i’icud.

C ’ep ñ-ve:m cicvi.

C ’ep si s-ap ñ-ñu:kud.

’A:ñi ’añ s-ho:hid mant o cicvi ’am jegkeḍ.

C ’ep mant ’am o ha-huhu’i g huhujuḍ.

C ’ep mant ’am o mu’i va:pagt mant ’am o ha-’e:sto g ñ-cicvikuḍ ha-’e’eḍa.

Mant hekid ’am o hi: jegkeḍ k o si cicvi ge taṣ.

Mañ cicvi si’alim ’amjeḍ ’am hu ’i hugkam huḍuñig wui.

Mat hekid o ’e-’ai mant o hi: ’u:pam, nt ’am o ’i va: ki: c-eḍ k o ñ-gegos.

Ñ-’o’odhamga ’o mu’i s-io’ovĭ ha’icu ñ-mamka mant o hu:.

’Ant ’am hahawa vo ve:m dahă g ñ-’o’odhamga, t heg o ha’icu ñeokcul ñ-wui.

Kutt ’am hahava vo vo:piwua k o ko:k.

’A:ñi ’añ kokṣa ’an hugtan g ñ-’o’odhamga vo’ikuḍ.

’A:ñi ’añ ’eḍagid g hejel ñ-vo’ikuḍ mo si s-moik c ’ep si s-ap ta:hadag.

’A:ñi ’añ cem hekid s-ap kokṣa ’an ñ-vo’ikuḍ da:m.

Ñ-’o’odhamga ’o ’an cem hekid tattam g ñ-mo’o k hab cece “S-ap o koi, Keahi”

Nt ’am hahava vo ku:kp g ñ-vu:pui k o si s-ap koi.