Hegi mo ge s-gevk ’i:bdag

’Eḍa si hekĭhu, hema ’aṣ ḍ ceoj maṣ hab ce:gig S-gevk ’I:bdag. Je’ej g S-gevk ’I:bdag ’atṣ ’am hab ce:c naṣpi si s-ap’e g ’i:bdaj k heg hekaj mu’i ha’icu s-nakog. Ṣ ’abṣaba pi ṣa’i ha naupoj g S-gevk ’I:bdag. Heg ’aṣ ve:sko ga:ghim hema mat ḍ o navojijk, ṣ ’abṣaba pi heḍi taicu mat ḍ o navojijk.

Ñe:, k ’am him k ’am him k ’an has ’oimelhim g S-gevk ’I:bdag k ’am nam g Mavid k hab kaij,

“Mañ ’an has ’oimeḍ c cem ga:ghim hema mat ḍ o ñ-navojk. Napt ’a:pi ḍ o ñ-navojk?”

Kuṣ hab cu’ig maṣ ṣa pi gevk g Mavid c hab pi behidag g ha’icu hugĭ. ’Eḍa maṣ ’am a ñeid g Mavid maṣ a si s-ap’e g ’i:bdaj g S-gevk ’I:bdag k hab ’i ’e-’a:

“’Ant o va tai g ’i:bdaj. ’Ant hekaj o bei g Ban k o hu:. ’Ant ’am o ’a:gĭ mant o ma: ’u:pam, nt ’abṣaba pi hab o ñ-ju:. Nt ’abṣ o be k o si hekajid k pi ’ep o jivia.” 

Ṣ ’am hahava hab kaij g Mavid ’am S-gevk ’I:bdag wui,

“Ha’o, ’a:ñi ’ant ḍ o m-navojk, mapt o ṣa ñ-ma: g ’e-i:bdag. ’Ant o va hekaj mant ’am o huhu’i g Ban k o be k o hu:. Si ’ant bihugim, k ’a:ñi g ñ-’i:bdag pi ṣa’i gevk kuñ hab pi ṣa’i si s-behidag g haicu hugĭ. ’Ant o va hekaj k ’am hahava ’ep o jivia k o m-ma: ’u:pam.”

Tṣ ’abṣaba hekĭhu ’i ’e-’a: g Mavid mat o pi ma: ’u:pam, k ’abṣ o s-da’ak.

Kuṣ pi ho:hid g S-gevk ’I:bdag k hab kaij,

“Pia’a, pi ’ant o m-ma:. Mant o ṣa m-ma: g ñ-’i:bdag, pi ’at haicu o va vi’iskad ’am ñ-ve:hejeḍ mant hekaj o s-ap ki:kad.”

’Am ’atṣ bagat g Mavid k ’am ’u:pam ’i ’e-noḍagid k gḍ hu hi: ’e-ki: wui.

Ñe:, k ’am him k ’am him k ’an has ’oimelhim g S-gevk ’I:bdag k ’am nam g Ban k hab kaij,

“Mañ ’an has ’oimeḍ c cem ga:ghim hema mat ḍ o ñ-navojk. Napt ’a:pi ḍ o ñ-navojk?”

Kuṣ hab cu’ig maṣ ṣa pi gevk g Ban c hab pi behidag g ha’icu hugĭ. ’Eḍa maṣ ’am a ñeid g Ban maṣ a si s-ap’e g ’i:bdaj g S-gevk ’I:bdag k hab ’i ’e-’a:

“’Ant o va tai g ’i:bdaj. ’Ant hekaj o bei g Taḍai k o hu:. ’Ant ’am o ’a:gĭ mant o ma: ’u:pam, nt ’abṣaba pi hab o ñ-ju:. Nt ’abṣ o be k o si hekajid k pi ’ep o jivia.” 

Ṣ ’am hahava hab kaij g Ban ’am S-gevk ’I:bdag wui,

“Ha’o, ’a:ñi ’ant ḍ o m-navojk, mapt o ṣa ñ-ma: g ’e-i:bdag. ’Ant o va hekaj mant ’am o huhu’i g Taḍai k o be k o hu:. Si ’ant bihugim, k ’a:ñi g ñ-’i:bdag pi ṣa’i gevk kuñ hab pi ṣa’i si s-behidag g haicu hugĭ. ’Ant o va hekaj k ’am hahava ’ep o jivia k o m-ma: ’u:pam.”

Tṣ ’abṣaba hekĭhu ’i ’e-’a: g Ban mat o pi ma: ’u:pam, k ’abṣ o s-da’ak.

Kuṣ pi ho:hid g S-gevk ’I:bdag k hab kaij,

“Pia’a, pi ’ant o m-ma:. Mant o ṣa m-ma: g ñ-’i:bdag, pi ’at haicu o va vi’iskad ’am ñ-ve:hejeḍ mant hekaj o s-ap ki:kad.”

’Am ’atṣ bagat g Ban k ’am ’u:pam ’i ’e-noḍagid k gḍ hu hi: ’e-ki: wui.

Ñe:, k ’am him k ’am him k ’an has ’oimelhim g S-gevk ’I:bdag k ’am nam g Taḍai k hab kaij,

“Mañ ’an has ’oimeḍ c cem ga:ghim hema mat ḍ o ñ-navojk. Napt ’a:pi ḍ o ñ-navojk?”

Kuṣ hab cu’ig maṣ ṣa pi gevk g Taḍai c hab pi behidag g ha’icu hugĭ. ’Eḍa maṣ ’am a ñeid g Taḍai maṣ a si s-ap’e g ’i:bdaj g S-gevk ’I:bdag k hab ’i ’e-’a:

“’Ant o va tai g ’i:bdaj. ’Ant hekaj o bei g Hujuḍ k o hu:. ’Ant ’am o ’a:gĭ mant o ma: ’u:pam, nt ’abṣaba pi hab o ñ-ju:. Nt ’abṣ o be k o si hekajid k pi ’ep o jivia.” 

Ṣ ’am hahava hab kaij g Taḍai ’am S-gevk ’I:bdag wui,

“Ha’o, ’a:ñi ’ant ḍ o m-navojk, mapt o ṣa ñ-ma: g ’e-i:bdag. ’Ant o va hekaj mant ’am o huhu’i g Hujuḍ k o be k o hu:. Si ’ant bihugim, k ’a:ñi g ñ-’i:bdag pi ṣa’i gevk kuñ hab pi ṣa’i si s-behidag g haicu hugĭ. ’Ant o va hekaj k ’am hahava ’ep o jivia k o m-ma: ’u:pam.”

Tṣ ’abṣaba hekĭhu ’i ’e-’a: g Taḍai mat o pi ma: ’u:pam, k ’abṣ o s-da’ak.

Kuṣ pi ho:hid g S-gevk ’I:bdag k hab kaij,

“Pia’a, pi ’ant o m-ma:. Mant o ṣa m-ma: g ñ-’i:bdag, pi ’at haicu o va vi’iskad ’am ñ-ve:hejeḍ mant hekaj o s-ap ki:kad.”

’Am ’atṣ bagat g Taḍai k ’am ’u:pam ’i ’e-noḍagid k gḍ hu hi: ’e-ki: wui.

Ñe:, k ’am him k ’am him k ’an has ’oimelhim g S-gevk ’I:bdag k ’am nam g Gi:supĭ k hab kaij,

“Mañ ’an has ’oimeḍ c cem ga:ghim hema mat ḍ o ñ-navojk. Napt ’a:pi ḍ o ñ-navojk?”

Ṣ hab kaij g Gi:supĭ,

“Ha’o, ’a:ñi ’ant ḍ o m-navojk! ’Oig, tt o hihim k o cicvi!”

Kuṣ si s-ap ḍ navoj g Gi:supĭ c ce:m hekid ve:maj g S-gevk ’I:bdag c cem hekid ’i ve:mt. Ve:s taṣkaj ’o ’e-ve:m daḍha c ñeñok c cicvi c s-ta:had. Ṣ ’abṣaba g Gi:supĭ ’abṣ cem hekid ’an has hihhim, c pi hekid hekaj g ’e-’a’an mat o hasko da:. Ṣ hab kaij g S-gevk ’I:bdag,

“Ṣa:cu p ’a:gc pi hekid da’a? ’Idam ’u’’uhig mo ’in hu haicug ’o cem hekid hasko ñe:ñehim, p ’abṣaba ’a:pi pi hekid hekaj g ’e-’a’an.”

Ṣ hab kaij g Gi:supĭ,

“Pi ’añ ṣa’i si s-gevk, c pi ñ-nakog mant o ha-hekaj g ñ-’a’an. Ñ-’i:bdag o pi gevk kuñ hab pi hasko da’a. Ñ-ve:m-ki:kam ’at hekĭhu ñe:ñ gḍ hu si’alig wui, t ñ-dagĭto ’i:ya nantpi pi ñ-nako mant ’am o ha-’oi.”

Kuṣ pi ’ap ’e-ta:tk c ’e-ṣo’igcud g S-gevk ’I:bdag ’ab ’amjeḍ. Ṣ hab kaij ’am Gi:supĭ wui,

“Ñia’a, ’ant o m-ma: g ñ-’i:bdag. Pi ’ap hekid haicu ñ-ta:ñ c cem hekid ’i ñ-ve:mt ñ ’a:ñi si m-hivig.”

Ṣ ’am hema ñei g hodi maṣ hab ṣa ma:s mo g ’i:bdag, k hab kaij,

“’Ant o bei ’i:da hodi k ’an o ’i va:kĭ ñ-ba:ṣo ’eḍ. ’Apt o hekaj g ñ-’i:bdag k ’am hahava o ñ-ma: maptp hekid ’ep o jivia. Be:kai k o ga:gim g ’e-ve:m-ki:kam.”

Ṣ ’am si s-ap ’e-ta:tk g Gi:supĭ heg hekaj, k hab kaij,

“Mo va s-ap’e, ’ant o hekaj k o ga:gim g ñ-ve:m-ki:kam. ’I ñ-tamiam, nt ’ep o jivia k o m-ma: ’u:pam.”

Ṣ ’am ’i bei g ’i:bdaj g S-gevk ’I:bdag k ’am si gevka. Ṣ ’an si ’e-’anagid k ’u:g ’i da’a k gḍ hu da: si’alig wui

.

Ñe: k ’am tamiam k tamiam k hab ta:hadag mo ’an ṣa ve:cihim g ’e-ba:ṣo. Ṣ ’am a ñei mo ’e-hodicudahim naṣpi kiap hekaj hegi hodi ’i:bdag. Ṣ hab ’i ’e-’a: mat ’am o ’i ceṣ g do’ag k o tamia ’am da:m.

Ṣ ’am ’i ceṣaj k ’am dahiwua k ’am tamiam mat ’ep o jivia g Gi:supĭ. ’Am him k ’am him k ’am ve:s ’i ’e-hodic ’am ’i tamiamc.

Ha’i g hemajkam ’o hab cece matṣ ’am has ’e-ju: k ’am hava pi ’e-nako g Gi:supĭ mat ’ep o jivia, k hab ’an kiap daha g S-gevk ’I:bdag  heg da:m do’ag c tamiam, c ’ep mo gnhu s-ma:s hema g hodi mo hab ṣa ma:s mo g ’O’odham ’am da:m g do’ag.

K ’abṣaba ha’i ’ep hab cece mat hekĭhu ’ep jivia g Gi:supĭ k ’am bei g S-gevk ’I:bdag k ’am be:kai si’alig wui mat hab o ’e-ve:m haicugkad cem hekid. B ’o hi va cece mo gḍ hu hasko s-hekigam c s-ta:hadam ki: c kiap ḍ si naupoj.